gov.mn домайн нэр олгох

Төрийн байгуулагын домэйн нэр, цахим шуудан, цахим хуудсыг өөрийн сервер дээр байршуулан, "GOV.MN" домэйн нэр, цахим шуудангийн үйлчилгээ үзүүлж байна.

Домэйн нэр олголт

Монгол Улсад төрийн байгууллагын "GOV.MN" домэйн нэр олгох үйлчилгээг “Үндэсний дата төв” УТҮГ хариуцдаг бол, ".mn" домэйн нэрийг олгох эрхийг "Датаком" ХХК, боловсролын байгууллагуудад зориулсан "edu.mn" домэйн нэрийг "Эрдэмнэт" сүлжээний төв тус тус хариуцан олгож байна. Байгууллагад ашиглах домэйн нэрийг дараах түвшингүүдэд ангилах бөгөөд тус төвөөс 2, 3, 4-р түвшний домэйн нэрийг олгоно.

Олон улсын ICANN байгууллагаас Монгол улсад оноосон дээд түвшний домэйн нэр /.mn/

Төрийн захиргааны байгууллагуудад оноосон дээд домэйн нэр /.gov.mn/

Төрийн захиргааны байгууллагуудын эзэмших домэйн нэр /police.gov.mn/

Нэгж харьяа байгууллагуудад оноосон дэд домэйн нэр /ub.police.gov.mn/

• Үйлчилгээ авах хүсэлтээ манай байгууллагад албан бичгээр илгээнэ. /Албан бичиг дээр хариуцах ажилтны утасны дугаар болон и-мэйл хаягийг тусгасан байх шаардлагатай/

• Тухайн үйлчилгээг хариуцсан мэргэжилтэн тантай холбогдож гэрээний төсөл илгээх бөгөөд танд тус үйлчилгээний талаар тодорхой мэдээллийг өгөх болно. (үйлчилгээний журмын дагуу домэйн эрхийг олгоно)

• 2 талаас гэрээ байгуулагдаж эцэслэн баталж зурагдсаны дараа манай байгууллагын тус үйлчилгээг хариуцсан мэргэжилтэн и-мэйл хаягаар хандалтын эрхийг илгээнэ.

БҮРТГЭЛТЭЙ Э-МЭЙЛ ХАЯГ ШИНЭЧЛЭХ:

• Хэрэв үйлчилгээний эрхийг авах бүртгэлтэй и-мэйл хаяг ашиглалтгүй болсон, өөр хаягт шинэчлэн авах шаардлагатай болсон бол тухайн хаягаас и-мэйлээр хүсэлт илгээх, эсвэл албан бичгээр хүсэлт гаргах шаардлагатай.

• Тус хүсэлтэд удирдлагын эрхийг шилжүүлж авах хүний нэр, утасны дугаар, и-мэйл хаягийг тодорхой бичиж ирүүлнэ. Ингэснээр бид хандалтын эрхийг шинээр бүртгүүлсэн и-мэйл хаягаар шинэчлэн илгээх юм.